Nu bün wie midden in de moiste Tiet van't Joahr. Sümmer, Sünne, Sünnenschien - un doartau noch vääl fräihe Tiet. Tauminste för all däi Lüe, däi noa de Schaule goaht. Man uk däi anneren hebt meist den Urlaub tau planen. Man: woarhen in düssen Corona-Sümmer? Wel al den Pieks krägen heff, däi heff dat gaut, däi kann ok in den Süden fläigen. Man ok bi us in't Emsland un ümtau is dat mooi. Dat giv häil wat mooie Plecken för nen Utfluch met de Familie. Oder man gaiht moal weer up Visite bi Fründe un Verwandte, däi man lang nich säihn heff. Dat gaiht mit of ohne Test.