Tuffeln - Däi dolle Knolle (mit Audio)

Geschrieben am 11.05.2021
von Hermann Garrelmann / Emsländischer Heimatbund

Wenn man sück ümkick, süch man an väle Stään grote Ackerstücke mit lang getrocken Bülte: Tuffelland! Däi Knollen, däi hier wasset, bünt ut de dütske Köke nich mehr wegtaudenken. Besönners hier in‘n Norden. Un so unnerscheidlich as säi ut de Grund koamt, so häitet se ok: Kantüffels, Tuffels, Tüffelken (dat bünd däi lüttken) Eärpel, Ardappels oder ok Tülkes. An däi Noamen kanns‘te afläsen, wöar däi Lüe herkoamt. Un däi „dolle Knolle“ ist in de Köke dat reinste Talent: Gekoakt met ne lekkere Soße un Broan, as Bräi, as Pannkauken, un wat noch alle meer.

Man kan doar aber ok met kreativ weern: mit „Tuffeldruck“ lett sük ok gebruktet Tüüch mooier moaken. Dat gif masse Plasäer, nich blot för de Kinner. Also: Ne echte dolle Knolle!

Un dann gif dat noch Lüe, vör däi däi Tuffel ok Pate stoan heff: „Rin in de Kartuffeln, rut ut de Kartuffeln!“ Doar kennt ja ok wal jeder äine van, oder?



Der Emsblick unterstützt in Zusammenarbeit mit dem emsländischen Heimatbund gern die Bemühungen, Plattdeutsch wieder und weiter zu pflegen.