Poasken
In’n poar Weken is Poasken. Wat, dat Woort kenn ih nich? Dat is gau vertellt: Poasken is Ostern up platt. Dat kump van dat hebräische Woort Pascha- of Pescha-Fest.
Villichte heb ih al maol wat höört van’t Poaskefüer? Dat Füer an’n ersten Poaskedag trekkt immer noch masse Lüe an. Vöör Kinner is Poasken sowieso immer ne grote Fraide. Eierkullern höört doar sicher tau, Eierbicken uk. Un ne Wäke vöör Poasken mössten Palmbessen moaket weern, däi dann noa däi Taufpaten henn brocht wöörn. In einige Dörper höörde doar nich blos Bussboom mit nen Appel of ne Appelsine boben dran, uk Krüllen mössten den Busk mooier moaken. Un van däi Paten geef dat dann meist äin dicket Danke in Form van klingende Talers.
Un 50 Doage noa Poasken staiht dann Pinkstern up den Kalender. Wat dat is un of dan däi Pinksterbrut unnerweggens ist, vertell wi in däi nächste Utgave van’n Emsblick.